Cúrsa Rochtana ar an Ardoideachas - Lucht Fágála Scoile

Tá an cúrsa do Lucht Fágála Scoile dírithe ar mhic léinn atá 22 bliain d’aois nó níos óige a bhfuil an Ardteistiméireacht, cáilíocht QQI ag Leibhéal 5 nó Leibhéal 6 nó a comhionann bainte amach acu. 

• Faigheann mic léinn a chríochnaíonn an Cúrsa Rochtana Dioplóma sa Bhonnstaidéar ó Ollscoil na Gaillimhe.
• Tá siad incháilithe freisin chun iarratas a dhéanamh ar iontráil dhíreach (tríd an CAO) ar chúrsaí fochéime Ollscoile lánaimseartha.
• Léigh an treoir do Chlár Bonnstaidéir Rochtana 2023.

Ionad:

Cuirtear ár gcláir ar fáil i dtrí ionad:

• Gaillimh (An Campas, Ollscoil na Gaillimhe)
• Tuaim
• An Cheathrú Rua (Clár For-rochtana dátheangach)

Lean na céimeanna seo a leanas le hiarratas a dhéanamh:

1. Bailigh an t-eolas a bheidh uait e.g. uimhir PSP, uimhir CAO (más cuí), ainmneacha agus sonraí teagmhála 3 mholtóirí (beirt mholtóirí acadúla agus moltóirpearsanta amháin)‌‌

2. Beidh deis agat do chuid cáipéisí airgeadais a chur ar aghaidh tar éis duit an fhoirm iarratais a chomhlánú.

3. Seiceáil do bhosca rphoist chun admháil ar d'iarratas a fháil agus lean an t-eolas a thugtar chun do chuid cáipéisí breise a chur isteach.

Comhlánaigh an Fhoirm Iarratais ar Líne anseo

Is féidir d'iarratas a chomhlánú trí Ghaeilge ach Gaeilge a roghnú mar theanga ar an bhfoirm.

Is é an dáta deiridh d’iarratais a bheith faighte an 15 Meán Fómhair 2024.

Má tá aon cheist agat, déan teagmháil le hOifig na gClár Rochtana ar rphost access@universityofgalway.ie

Cé dó/di a fheileann an Cúrsa Rochtana do Lucht Fágála Scoile?

Feilfidh an Cúrsa Rochtana do Lucht Fágála Scoile do mhic léinn atá 22 bliain d’aois nó níos óige an bhliain a dtosaíonn an clár céime, agus a bhfuil an-suim acu staidéar a dhéanamh ag an tríú leibhéal, ach nach bhfuil ar a gcumas sin a dhéanamh de bharr cúinsí airgeadais nó cúinsí sóisialta*. Glacann an scéim le lucht fágála scoile ó gach scoil i réigiún na Teorann, Lár na Tíre agus an Iarthair agus Co. an Chláir. Féadfaidh Lucht Fágála Scoile a bhfuil an Ardteistiméireacht déanta acu NÓ a bhfuil cáilíocht QQI ag Leibhéal 5 nó Leibhéal 6 nó a comhionann bainte amach acu iarratas a dhéanamh. Ba chóir go mbeadh mic léinn thar a bheith spreagtha agus spéis acu tabhairt faoi staidéar ag leibhéal fochéime sa réimse a roghnaíonn siad.

Ar chóir dom iarratas a dhéanamh tríd an CAO chomh maith?

Molfar go láidir do mhic léinn reatha na hArdteistiméireachta iarratas a dhéanamh ar chláir chéime tríd an CAO.

Cén caighdeán Ardteistiméireachta atá ag teastáil?

Seo a leanas na riachtanais acadúla inmhianaithe le go roghnófaí thú:

• ní mór go mbeadh, ar a laghad, dhá ghrád H4 ar pháipéar ardleibhéil, agus ceithre ghrád O6 ar pháipéar gnáthleibhéil nó ardleibhéil faighte agat;
• nó cáilíocht choibhéiseach mar shampla cúrsa breisoideachais. 
• Ina theannta sin, teastóidh sonraí ginearálta maidir le do sheasamh airgeadais féin chomh maith le seasamh airgeadais do mhuintire, ón Ollscoil.

Féadfaidh mic léinn a bhfuil cúrsa iar-ardteistiméireachta déanta acu iarratas a dhéanamh.

Is rogha é an Cúrsa Rochtana freisin dóibh siúd a thug faoi scrúdú na hArdteistiméireachta roimh 2023 ach nár bhain amach na pointí a theastaíonn chun dul chuig Ollscoil na Gaillimhe. 

‌‌